Të shtëna në një shkollë të mesme në Teksas, vdes një student! Arrestohet 17-vjeçari 25/04 09:44
Udhëheqësi suprem i Iranit ka fajësuar SHBA-në dhe Izraelin për protestat që kanë përfshirë vendin pas vdekjes së një gruaje ndërsa ishte në paraburgim nga policia.
Në komentet e tij të para publike mbi trazirat, Ayatollah Ali Khamenei tha se “trazirat” ishin “inxhinitur” nga armiqtë e mëdhenj të Iranit dhe aleatët e tyre.
Protestat janë sfida më e madhe për sundimin e tij për një dekadë dhe ai u kërkoi forcave të sigurisë të jenë gati për më shumë.
Shtetet e Bashkuara thanë se ishin “të tmerruara” nga reagimi i dhunshëm ndaj protestave.
Presidenti Joe Biden dha një deklaratë duke thënë se ai ishte “shumë i shqetësuar” për raportet për “shtypjen e dhunshme në rritje të protestuesve paqësorë”.
Ata protestues po bënin thirrje për “parime të drejta dhe universale”, tha ai, duke shtuar se SHBA “qëndrojnë me gratë iraniane” të cilat “po frymëzonin botën me trimërinë e tyre”.
Mbretëria e Bashkuar i bëri jehonë mendimit, duke thirrur diplomatin më të lartë të Iranit në Londër të hënën për t’u thënë udhëheqësve të tyre në Teheran se “në vend që të fajësojnë aktorët e jashtëm për trazirat, ata duhet të marrin përgjegjësinë për veprimet e tyre dhe të dëgjojnë shqetësimet e popullit të tyre”.
Top Channel
