Drejtori i Përgjithshëm i Policisë së Shtetit , Muhamet Rrumbullaku ka pezulluar nga detyra shefin e Komisariatit të Policisë Nr.1 në Tiranë dhe tre punonjës të tjerë.
Ai firmosi urdhrat e pezullimit 30-ditor, të nxjerrë nga Drejtoria e Standardeve në Policinë e Shtetit, pasi Agjencia e Mbikëqyrjes Policore (AMP) nisi hetimin disiplinor për shkelje të rëndë për:
– Kryekomisar B. M., me detyrë Shef i Komisariatit të Policisë Nr.1, Tiranë;
– Nënkomisar F. S., me detyra Shef dhe Specialist i Postës së Policisë Farkë, në Komisariatin e Policisë Nr.1, Tiranë;
– Nënkomisar A. R., me detyrë Shef i Seksionit për Krimet, në Komisariatin e Policisë Nr.5, Kamzë, Tiranë (i cili ka kryer më parë detyrën e Specialistit për Hetimin e Krimeve në Komisariatin e Policisë Nr.1);
– Inspektor N. K., me detyrë Ndihmës/specialist SPZ i Postës së Policisë Farkë, në Komisariatin e Policisë Nr.1, Tiranë.
Sipas njotimit, pezullimi u bë pasi hetimet zbuluan se ka ndërtime pa leje në territorin që ka në juridiksion Komisariati i Policisë Nr.1.
Top Channel
