Sondazhi: 61% mendim negativ për qeverinë! Bollino: Problemi më i madh për të vlerësuar sondazhet është identifikimi i kampioneve

29/09/2022 21:33

Çfarë mendojnë shqiptarët për qeverisjen është tema sot në emisionin Top Story, ku për herë të parë u publikuan sondazhet e realizuara nga Eduard Zaloshnja, mbi perceptimin e qytetarëve për qeverisjen.

61% e qytetarëve mendojnë negativisht për qeverinë aktuale, vetëm 18% mendojnë pozitivisht, kurse 21% nuk kanë as mendim pozitiv dhe as mendim negative.

Kurse një vit më parë, 43% e qytetarëve kishim mendim negative për qeverinë, 36% mendonin pozitivisht dhe 21% asnjë mendim.

Zaloshnja ka informuar se janë kontaktuar 1450 persona me anë të mesazheve për të realizuar anketimin.

“Shumica e madhe që kanë votuar për opozitën dhe ata që nuk kanë marrë pjesë përbëjnë 61% gri që nuk kanë opinion pozitiv për qeverinë”, tha Zaloshnja.

 “Problemi më i vështirë për të vlerësuar sondazhet është identifikimi i kampionëve”, tha komentatori Carlo Bollino.

Bollino: Si e keni identifikuar kampionin?

Zaloshnja: Po në cilën bashki banon, moshën. Unë kam formula të caktuara, që i kam gati për të parë se sa përputhet përbërja gjeografike, politike, moshore, gjinore.

Bollino: Si shpjegohet që 36% është votë për qeverinë ku qeveria fitoi zgjedhjet një muaj më parë.

Zaloshnja: Qeveria nuk ishte e re. 36% i thonë 780 mijë, PS bashkë me PSD nuk morën as 800 mijë vota.

Top Channel