“Arti i luftës”, vizatimet nga dëshmorët e Luftës Antifashiste! Mbesa e Qemal Stafës: Këto vite është baltosur figura e xhaxhait, s’ka qenë e lehtë…
26/11 15:44
Teatri Kombëtar i Operas dhe Baletit prezanton produksionin e ri të “Cavalleria Rusticana” – opera me një akt e kompozuar nga Pietro Mascagni. Një opera rrëmbyese në çdo dinamikë, një historie dashurie, tradhëtie e hakmarrjeje.
Kjo opera rikthen si regjisor Mjeshtrin e Madh Nikolin Gurakuqin.
E përshtatur nga një tregim i shkurtër i vitit 1880 me të njëjtin emër dhe drama pasuese nga Giovanni Verga. Kjo vepër konsiderohet si një nga operat klasike të verizmit. Ajo u shfaq premierë më 17 maj 1890 në Teatro Costanzi në Romë.
Solistja Concetta Pepere tregon pritshmëritë e saj.
“Është një përgjegjësi e madhe dhe e bukur të prezantosh një vepër që nuk është sjellë në skenë prej 50 vitesh. Ky teatër ka mundësi të mëdha dhe prezantimi i një vepre të tillë është ajo për të cilën ka nevojë sot bota. Sepse muzika do të shpëtojë botën.”- tha Concetta Pepere.
Kjo vepër e ka pasur premierën e parë në vitin 1958. Është vënë sërish në vitin 1988 nga regjisori Pirro Mani dhe kjo është premiera e tretë.
Premiera do të vihet më 30 shtator, 1 dhe 2 tetor. Nën interpretimin e Shpresa Beka, Denis Skura, Armaldo Kllogjeri, Armando Likaj, Ylber Gjini, Solen Alla, Ina Gaqi dhe Dorina Selimaj.
Top Channel
