“Duhet të luftojmë”, Zelensky tregon çfarë i duhet Ukrainës për t’u futur në NATO: Do anëtarësohemi shumë shpejtë 22/12 22:51
Shumë lloje të kafshëve të egra po lulëzojnë në Evropë falë mbrojtjes dhe shpëtimit të tyre.
Ujqërit gri, kastorët euroaziatikë, fokat gri dhe bizonët evropianë janë parë në zona, duke treguar një përmirësim të numrit të specieve.
Raporti i përgatitur nga grupi i ruajtjes Rewilding Europe shqyrtoi 50 specie evropiane, e ndihmuar edhe nga Shoqëria Zoologjike e Londrës, BirdLife International dhe Këshilli Evropian i Regjistrimit të Zogjve.
Sipas BBC, raporti Evropian i Kthimit të Kafshëve të Egra 2022 bazohet në kërkimet e mëparshme të kryera në vitin 2013.
Ai përqendrohet kryesisht në speciet që kanë parë rikuperime gjatë 40 deri në 50 viteve të fundit.
“Ky raport i ri jo vetëm që hedh dritë mbi speciet evropiane të kafshëve të egra që po rikuperohen mirë, por edhe pse po rikuperohen mirë”, tha Drejtori Ekzekutiv i Rewilding Europe, Frans Schepers.
“Duke mësuar nga historitë e suksesit, ne mund të maksimizojmë rikthimin e kafshëve të egra në të gjithë bord. Raporti tregon gjithashtu se ne duhet të punojmë shumë në shumë fronte, për të mbajtur rimëkëmbjen të vazhdojë të ndodhë dhe për të lejuar më shumë specie të përfitojnë nga kjo“, shtoi më tej.
Pelikanët dalmat janë ndër speciet e shpendëve që po rikuperohen mirë, krahasuar me disa vite më parë.
Këtu përfshihen edhe ujqërit gri, të cilët janë një nga historitë më të mëdha të suksesit, sipas raportit.
Ato u gjetën në shumicën e zonave të Evropës në fund të shekullit të 18-të përpara se numri lartë i tyre të zvogëlohej.
Specialistët tani kanë ripopulluar shumë rajone në Evropë, ku numrat u rritën me gati 1,800% midis 1965 dhe 2016.
Disa vende skandinave madje kanë lejuar grumbullimin e ujqërve në rajonet bujqësore për të mbrojtur bagëtinë.
Llojet e shpendëve të tilla si patat e barnacles, shkaba grifon, çafkat e bardha dhe pelikani dalmat gjithashtu kanë rritje të numrit.
Jo të gjitha speciet e vëzhguara ishin në rritje, pasi foka ka një të ardhme të pasigurt. Habitati i saj i shumimit ka rënë në mënyrë drastike për shkak të reduktimit të mbulesës së akullit.
Autorja kryesore e raportit, Sophie Ledger e Institutit të Zoologjisë të ZSL, tha se gjetjet treguan më shumë shpresë pë rikuperimin e habitatetve të gjallesave.
“Ky raport jep arsye për optimizëm dhe tregon se duke pasur një shans dhe me përpjekje të mirë-vendosura për ruajtjen, kafshët e egra mund të rikuperohen“, tha ajo.
Top Channel
