Episodi i parë i “MeKast” nuk ka dalë kurrë në transmetim, Megi Pojani zbulon arsyen e fortë 24/04 22:40
27 vjeçarja Whitney Franks, u përpoq të pajtonte vrasës me pagesë për të eliminuar Ruut Ruutna në këmbim të 1,000 paundë në BitCoin, teksa eksploronte ofertat në ‘rrjetin e errët’ të internetit.
Punonjësja e dyqaneve sportive Sports Direct kishte vënë ofertën e saj për vrasjen e koleges me të cilën rivalizonte në një trekëndësh te komplikuar dashurie.
Aj u shpall fajtore nga gjykata për nxitje të vrasjes muajin e kaluar dhe u dënua me 12 vjet burg.
Në gjykatë u tha sesi vajza kishte nxjerrë njoftimin për vrasës me pagesë në pjesën e pagjurmueshme të internetit, duke lënë aty adresën e viktimës së dëshiruar Ruutna. Njoftimin ajo e kishte vënë në një faqe që pretendonte se shiste “vrasje, drogë e armë”.
Në gjykatën e Reading u fol për dy postime që ishin bërë nga Franks në “rrjetin e errët”, të cilat ishin hasur nga gazetari Carl Miller, i cili i raportoi te policia.
Duke dhënë dënimin për Franks, gjykatësi Paul Dugdale tha se rasti ishte “i trishtë e i pazakontë” ndërsa shtonte: “Realieti ishte se gjatë izolimit të vitit 2020 duke qëndruar në shtëpi e duke lundruar në ‘rrjetin e errët’, Whitney Franks mund të mos e ketë menduar mirë atë që po bënte”.
“Ajo mund të ketë marrë vendime të gabuara prej naivitetit dhe u përpoq të kontaktonte me dikë për të vrarë Ruut Ruutna, duke u dhënë atyre adresën e saj detajet e rrjeteve sociale dhe çdo gjë që ata kishin nevojë”.
Prokurori Andrew Copeland tha se Franks kishte një lidhje me menaxherin e dyqanit të veshjeve sportive James Prest prej vitit 2016, ndërsa në 2017, kur Ruutna nisi të punonte në dyqan edhe ajo nisi të takohej me zotin Prest.
Copeland tha: “Më 17 gusht 2020, Whitney Franks erdhi në dyqanin ku punonte në Milton Keynes dhe James Prest e përshkruante si të mërzitur pasi ai kishte bërë një koment sesi kishte shkuar natën në shtëpinë e Ruut Ruutna.
Franks kishte nxjerrë më pas njoftimin e saj në internetin “dark web” ku shkruante: “Kërkoj të pajtoj dikë për vrasjen e një gruaje. Nuk kam shumë para, ofroj £1,000 por mund të paguaj më shumë … është një femër që i ka shkaktuar shumë probleme mua e të tjerëve”.
Një ditë më pas Franks bëri një postim të dytë me emrin, adresën dhe të dhënat e Twitter të koleges.
Kur policia shkoi të fliste me Ruutna për njoftimin në ‘dark web’, ajo u tha atyre se mund ta kishte bërë Franks.
Franks, nga Milton Keynes, në veri të Britanisë, do të kryejë dy të tretat e dënimit para se të mund të lirohet me kusht.
Top Channel
