Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Rritja e bashkëpunimit dypalësh, përgatitjet për sezonin e ngrohjes dhe rindërtimi i Ukrainës, ishin temat që u diskutuan mes kryeministrit ukrainas, Denys Shmyhal dhe kryeministres britanike, Liz Truss.
“Palët prekën çështjen e intensifikimit të furnizimit me armë për të mbrojtur Ukrainën dhe forcimin e sanksioneve kundër naftës dhe gazit rus”.
“Në kuadër të diversifikimit të burimeve të energjisë dhe përgatitjes për sezonin e ngrohjes, kryeministrat diskutuan nevojën për të rritur prodhimin e tyre të gazit, veçanërisht në Ukrainë”, thuhet në njoftimin e qeverisë ukrainase.
Sipas kryeministrit Shmyhal, vendi i tij është i interesuar në tëheqjen e biznesve britanike për të investuar në Ukrainë për prodhimin e gazit.
“Ne presim që qeveria e Mbretërisë së Bashkuar të marrë vendimet e nevojshme për të siguruar biznesin britanik në Ukrainë kundër rreziqeve ushtarake”, tha ai.
Palët folën gjithashtu për mbajtjen e konferencës së ardhshme për rindërtimin e Ukrainës në në Britani të Madhe. “Në veçanti, kryeministrat ranë dakord të krijojnë një grup pune që do të përgatitet për ngjarjen në vitin 2023”.
“Jam i bindur se Mbretëria e Bashkuar do të jetë partneri ynë kryesor jo vetëm në kundërshtimin e armatosur të Rusisë, por edhe në rindërtimin e vendit tonë”, tha Shmyhal.
Ndërsa Truss siguroi homologun e saj se politika e Britanisë për të mbështetur Ukrainën mbetet e pandryshuar.
Një ditë më herët, Tuss deklaroi se Mbretëria e Bashkuar do të ndajë të paktën 2.6 miliardë dollarë, si ndihmë ushtarake për Ukrainën, në vitin e ardhshëm.
Top Channel
