Ish drejtuesi i rafinerisë lidhje me Hezbollahun? Polonia nis hetimet pas zhdukjes së miliona dollarëve 01/05 07:37
Një doktor në Arabinë Saudite ka thënë në një stacion televiziv se rezultatet e sondazheve tregojnë se 92% e grave të vendit shikojnë pornografi, duke shkaktuar një reagim të ashpër në mbretërinë konservatore muslimane.
Dr. Nizar Bahberi, kreu i departamentit të sëmundjeve infektive në Jeddah, tha në intervistën me rrjetin ‘Rotana Gulf’ se ka nisur të mbledhë të dhëna mbi çështjen prej vitit 2014, teksa shtonte se 23% e grave saudite kishin parë të paktën një video pornografike asokohe.
“Por kur e përsërita sondazhin në vitin 2019, përqindja kishte arritur në 92% të pjesëmarrëseve. Ato numëronin rreth 3,000 gra,” tha ai.
“Prandaj në shumë seminare para-martesore unë u them burrave se nuk të fajësojnë gratë me të cilat sapo janë martuar duke i pyetur për shembull ‘A i ke parë këto gjëra?’ sepse aksesi në këto përmbajtje është tashmë shumë më i thjeshtë se më parë”, tha doktori.
Por komentet e tij shkaktuan tërbim në mbretërinë konservatore saudite, e cila ka rregulla të ashpra shoqërore e fetare kundër seksit jashtë-martesor. Shumë përdorues kishin lënë hashtag në gjuhën arabe kundër tij si – #Nizar_Bahberi_Insults_Saudi_Women.
Doktori ka komentuar më pas duke thënë se nuk dëshironte të ofendonte por vetëm po publikonte rezultatet e hulumtimit të tij, që tregon se aksesi ndaj pornografisë është shumë më i thjeshtë sesa më parë.
“Më shumë se 3,000 gra i janë përgjigjur pyetjes ‘A keni parë një video të tillë, të paktën një herë në jetën tuaj’ dhe përgjigjet ishin 92% po. Kjo nuk do të thotë se ndodh në të gjithë shoqërinë por është diçka që ndodh”, shkruante Bahberi.
Një tjetër doktor saudit Eidan Alzahrani, sulmonte Bahberi, duke komentuar: “Unë më parë bëja thirrje për mbrojtjen e doktorëve nga ata që i sulmonin, por tani bëj thirrje për mbrojtjen e shoqërisë nga këta të ashtuquajtur doktorë, që duhet të japin llogari për ofendimet e tyre”.
Top Channel
