“Autori në New Orleans ishte i vetëm”, Biden: Kishte bërë gati shpërthyesit për të aktivizuar eksplozivët 02/01 23:24
Një burrë 50-vjeçar është dënuar sot me burgim të përjetshëm në Gjermani pasi qëlloi për vdekje shitësin e pikës së karburantit që nuk e lejonte të merrte birra sepse nuk mbante maskë.
Burri kishte probleme me kufizimet e vendosura ndaj sëmundjes pasi ato e kishin parandaluar të vizitonte nënën e tij të sëmurë në spital.
Babai i tij kishte vrarë veten pasi ishte diagnostikuar me kancer në fillim të vitit 2020.
Ndërsa nëna e tij u mbajt gjatë në spital dhe nuk lejohej të takonte vizitorëve, derisa kishte vdekur edhe ajo.
“Kufizimet e Covid sollën vetëvrasjen e babait tim dhe vdekjen e nënës time”, tha në gjykatë i akuzuari, sipas të përditshmes vendase Bild.
Për të njëjtat arsye burri nuk kishte qenë i aftë të shkonte as në funeralin e të atit.
Vrasja e shtatorit 2021 kishte shokuar qytezën perëndimore Idar-Oberstein dhe nxiti lëvizjen lokale anti-vaksina e anti-maska në kundërpërgjigje të kufizimeve të qeverisë.
Konflikti kishte nisur kur studenti 20 vjeçar që punonte në pikën e karburantit i kishte kërkuar të akuzuarit të vendoste maske brenda dyqanit, siç kërkohej asokohe në dyqanet në Gjermani, dhe pas një debati të shkurtër buri ishte larguar.
I akuzuari i identifikuar vetëm si Mario N. u kthye rreth gjysmë ore më vonë me maskën në fytyrë, bleu birrat e tij por një argument i ngjashëm kishte nisur përsëri me punonjësin.
Atëherë ai kishte nxjerrë një pistoletë dhe e kishte qëlluar punonjësin në kokë nga afër.
Sot gjykata e rrethit të Bad-Kreuznach dënoi Mario N. për vrasje e zotërim arme zjarri, me burgim të përjetshëm.
Sipas ligjit në Gjermani njerëzit që dënohen me burgim të përjetshëm mund të kërkojnë lehtësira vetëm pas 15 vjetësh. Mbrojtja e tij kërkonte dënim për vrasje nga pakujdesia dhe jo për vrasje.
Prokurorja Nicole Frohn tregonte sesi Mario N. ishte gjithnjë e më i tërbuar për kufizimet e virusit që i konsideronte një shkelje e të drejtave të tij.
“Meqënëse ai e dinte se nuk mund të arrinte te politikanët përgjegjës vendosi të vriste atë”, tha ajo.
Gjermania ka zbutur tashmë kufizimet e ashpra të virusit por ato mbeten në disa ambjente të caktuara.
Top Channel
