![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Agjentët e FBI gjatë kontrollit të bujshëm në rezidencën e Donald Trump në Mar-a-Lago gjetën midis të tjerash një dokument që përshkruan aftësitë bërthamore të një qeverie, raportoi të martën Washington Post.
Media në fjalë, duke cituar burime të paidentifikuara, nuk e përmend se cila është qeveria e huaj në dokumentin që përshkruan mbrojtjen ushtarake të vendit.
Përmbajtja e më shumë se 11,000 dokumenteve qeveritare dhe fotografive që agjentët e FBI-së gjetën në Florida muajin e kaluar nuk është zbuluar, por raportimet nga mediat ndërkombëtare treguan se dokumentet e klasifikuara në lidhje me armët bërthamore ishin ndër artikujt që kërkonin autoritetet federale.
Ndër të dhënat e gjetura nga FBI ishin dokumente që detajojnë operacionet top-sekret të SHBA-së .
Trump tashmë është nën hetim nga departamenti i drejtësisë për mbajtjen e zhvendosjen e paautorizuar të të dhënave shumë të ndjeshme të qeverisë nga Shtëpia e Bardhë dhe për ruajtjen e tyre në mënyrë të parregullt në Mar-a-Lago.
Top Channel