Më pak se një muaj para se të rikthehet në Shtëpinë e Bardhë, ja emrat e rinj të Trump për administratën 23/12 22:18
Një tragjedi ka ndodhur në një lokal karaokeje në Vietnam, pasi një zjarr i madh i mori jetën 12 personave dhe la të plagosur 11 të tjerë.
Ngjarja ndodhi në Binh Duong, afër Ho Chi Minh, në Vietnamin jugor.
“Ekipet e shpëtimit janë në vend në kërkim të viktimave. Shkaku i zjarrit nuk është përcaktuar dhe është nën hetim”, tha zyrtari Nguyen Thanh Ham.
Zjarri shkatërroi katin e dytë dhe të tretë të ndërtesës katër katëshe, duke bllokuar klientët dhe stafin brenda.
“Shumë njerëz u arratisën përmes hyrjes kryesore, por shumë të tjerë u hodhën nga dyshemetë, duke thyer këmbët dhe duart”, tha një dëshmitar, raportojnë mediat e huaja.
Ky është zjarri më vdekjeprurës në Vietnam që nga ai i një ndërtese banimi në qytetin Ho Chi Minh në vitin 2018, ku humbën jetën 13 persona.
Një tragjedi e ngjashme me 13 të viktima ka ndodhur në vitin 2016 në një bar karaokeje në kryeqytetin Hanoi.
Kjo tragjedi kishte bërë që autoritetet të inspektonin lokalet e natës, të cilat dyshoheshin se anashkalonin rregullat bazë të sigurisë.
Në gusht, tre zjarrfikës humbën jetën duke u përpjekur të shuanin një zjarr që shpërtheu në një bar karaoke në Hanoi.
Top Channel
