Episodi i parë i “MeKast” nuk ka dalë kurrë në transmetim, Megi Pojani zbulon arsyen e fortë 24/04 22:40
Këngëtari i njohur kanadez Justin Bieber ka njoftuar sot se po anullon pjesën e mbetur të turneut botëror, prej problemeve të shëndetit fizik e mendor, disa javë pas raportimit për një paralizë të papritur në fytyrë.
28-vjeçari jepte njoftimin e trishtë në rrjetet sociale duke falenderuar fansat për mbështetjen e tyre gjatë betejës me sindromën, e duke shtuar se kishte nevojë të fokusohej para se të performonte përsëri.
Këngëtari kishte performuar në fundjavë në Brazil teksa më pas shkruante: “Sapo zbrita nga skena më përfshiu ezaurimi e tejlodhja, prandaj e kuptoj se duhet të kujdesem për shëndetin.”
“Besoj se do të jem mirë, por duhet të pushoj, të përmirësohem”.
Justin kishte vijuar turneun e tij më 31 korrik pas një ndalese dy mujore prej shëndetit të dobët të papritur, por ka kryer disa koncerte deri te i fundit më 4 shtator në Rio.
“Javës që kaloi performova në ‘Rock In Rio’ dhe dhashë gjithçka për njerëzit në Brazil”, shkruante bashkëshorti i Hailey Bieber.
Më tej ai shpjegonte: “Në fillim të vitit kam thënë se më thanë se kam sindromën Ramsay-Hunt, që më paralizoi pjesërisht fytyrën. Prandaj nuk mund të realizoj pjesën e mbetur të turneut në Amerikën Veriore”.
Në qershor këngëtari i njohur tregonte se mezi mund të hante prej paralizës, duke lenduar shume fansa ne te gjithe boten.
Top Channel
