Arrestohet Soni Malaj dhe dy këngëtarë të tjerë, u ndaluan nga policia teksa po performonin në skenë
17/04 22:44
Një pensionist ukrainas raportohej sot se ka rrëzuar një gjuajtës rus Su-34 me pushkën e tij të gjuetisë, duke bërë që mjeti i kushtueshëm ajror të binte drejt tokës në një spirale rrotullimesh.
Valeriy Fedorovych hapi zjarr kur avioni armik po fluturonte mbi Chernhiv, tha Shërbimi Kufitar i Ukrainës.
Ai pretendon se e qëlloi avionin që fluturonte, dhe në pamje të qarkulluara më pas, shihej mjeti që binte drejt tokës.
Shërbimi i rojeve kufitare tha se kishte nderuar më pas pensionistin me medalje heroizmi.
Në pamje të shpërndara nga agjencia shihej Fedorovych që ecte krenar me pushkën e tij mbi supe, mes qytetit thuajse të shkatërruar.
Ndërkohë në vend vijojnë përplasjet mes njësive ushtarake si dhe sulmet ndaj zonave civile që kanë shkaktuar largimin e miliona ukrainasve nga vendi.
Dy ditë më parë Ukraina ka shpallur një ofensivë ndaj zonave të kapura nga Rusia në lindje që ka sjellje të tjera vrasje te pergjekshme e humbje jete nga të dyja palët në rajonin e Donetsk.
Top Channel
