Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Operatori shtetëror bërthamor ukrainas, Energoatom tha se reaktori i dytë në termocentralin bërthamor të Zaporizhzhias në Ukrainë tashmë është në funksionim.
“Për momentin, dy njësi të energjisë janë duke funksionuar në stacion, po prodhojnë energji elektrike për nevojat e Ukrainës”, tha Energoatom të Premten në Telegram sipas CNN.
Si Ukraina ashtu edhe Rusia kanë fajësuar vazhdimisht njëra-tjetrën për bombardimin e vendit dhe zonave përreth.
Përfaqësuesit e misionit të Agjencisë Ndërkombëtare të Energjisë Atomike vazhdojnë punën e tyre në central, sipas Energoatom.
Ekipi nga mbikëqyrësi bërthamor i OKB-së mbërriti më 31 gusht në qytetin e Zaporizhias në Ukrainë.
Agjencia Ndërkombëtare e Energjisë Atomike po planifikon një mision të përhershëm në termocentralin bërthamor të Zaporizhzhias, sipas drejtorit të përgjithshëm, Rafael Grossi.
Grossi e përshkroi këtë si një “mision teknik” që “kërkon të parandalojë një aksident bërthamor”.
Kujtojmë se qyteti i Zaporizhias kontrollohet nga ukrainasit, kurse uzina është nën pushtetin e ushtrisë ruse.
Top Channel
