Stina e mbjelljeve/ Nga sot fermerët përfitojnë 30 mijë lekë për çdo hektarë grurë

Ai thotë se lufta në Ukrainë solli rritje të çmimit të grurit vendas me 20 lekë për kilogram, duke parë kërkesat e tregut për grurin e fermerëve shqiptarë, Vullneti thotë se këtë vit do të mbjellë më tepër grurë sepse sipas tij skema e re e subvencioneve që do të aplikohet këtë sezon bujqësor do të ulë kostot e prodhimit të grurit dhe do të rrisë fitimin e tij.

Kultivuesit e grurit më sipërfaqe mbi 1 ha  do të përfitojnë një mbështetje prej 30.000 lekësh për ha. Thirrje e re e Skemës Kombëtare për fermerët e drithërave do të jetë e hapur nga data 1-23 shtator.

” Kam ardhur për të aplikuar për skemën e grurit.Përshëndetje unë kam 5 ha tokë të mbjellë më grurë dhe dua të aplikoj për subvencionim. Dokumentat i kam të gjitha këtu. Po, patjetër si fillim aplikime behët me zero dokumenta vetëm kartë ID dhe NIPTI fermerit. Pasi të shpalleni fitues do të dorëzoni dokumentet që janë : certifikata e tokas, AMTP ose akt marrëveshje mes fermerëve. Gjithashtu fermerët duhet të kenë dhe faturat  e blerjes së farës  grurit. . Aplikimi u krye me sukses. “- tha Vullnet Skuqi.

Subvencionimi i grurit, ka për qellim të shtojë sipërfaqet e mbjella me drithëra. Prodhimi vendas jo vetëm që rrit të ardhurat e bujkut, por gjithashtu rrit dhe ofertën duke i bërë cmimet në furrat e bukës më konkuruese.

“Gjithmonë kam mbjellë dy ha grurë, ndërsa me skemën e naftës dhe subvencionin për tokën e mbjellë këtë vit do të mbjellë 5 ha grurë. Besoj se do të kemi leverdi pasi gruri këtë vit është shitur me 500 lekë. Me 5 ha tokë unë do të përfitoj 150 mijë lekë më këto para unë do të blej farën e grurit. Nëse do të shoh në të ardhmen që kjo politikë do të ketë sukses nga 5 ha do ta çoj në 10”- tha Vullnet Skuqi.

Secili fermer mund ta realizojë aplikimin në mënyrë individuale nëpërmjet një aparati celular smart, ose në rast vështirësie të gjithë fermerët mund të paraqite tek zyrat e agropikave.

Top Channel