Berisha viziton Gjekmarkajn në Spitalin e Traumës, deputeti i PD: Më shtynë në kraharor dhe mbeta pa frymë! Niset drejt QSUT
23/12 22:43
Festën e flamurit të Ukrainës e kanë festuar edhe shtetasit ukrainas që për shkak të luftës ndodhen në vendin tonë.
Kryetari i Bashkisë së Tiranës, Erion Veliaj së bashku me ambasadorin e Ukrainës në Tiranë, Volodimir Shkurov dhe konsullin e Shqipërisë në Ukrainë, Bledi Bajraktari, organizuan këtë feste në një nga mjediset ku janë strehuar një pjesë e refugjatëve, kryesisht nëna me fëmijë
Veliaj shpërndau dhurata dhe mjete shkollore për fëmijët ukrainas dhe theksoi se Tirana do ndihmojë në rindërtimin e shkollave, kopshteve dhe çerdheve pas luftës. Ai tha se lufta mund të shkatërrojë shumë gjëra, por jo dijen.
“Sapo jam kthyer nga Kievi dhe u ndjeva shumë i lumtur që jeta atje ka rifilluar; kanë nisur programet e qeverisë për rindërtimin, për t’u kthyer sa më shpejt në normalitet, deri në fitoren e luftës. Pas takimit me Presidentin Zelenski jam shumë i lumtur që qeveria jonë dhe Bashkia e Tiranës, do të përfshihen në procesin e rindërtimit të Ukrainës, duke i ndarë detyrat në qytete të ndryshme, ku fokusi ynë do të jetë kryesisht te shkollat, kopshtet dhe çerdhet. Ajo që ramë dakord me Presidentin e Ukrainës është se lufta (apo fatkeqësitë e ndryshme) mund të shkatërrojë pronën, një lagje, pasurinë, mund të prishë pallate, kopshte, shkolla, çerdhe, por ka diçka që lufta nuk e prish dot: dijen dhe njohuritë që kemi”- tha Veliaj.
Ambasadori i Ukrainës në Tiranë, Volodymyr Shkurov falenderoi kryebashkiakun Veliaj për mbështetjen e dhënë për refugjatët ukrainas.
Ai shtoi se falë kryetarit te bashkisë, edhe rruga ku ndodhet ndërtesa e Ambasadës, mban emrin rruga “Ukraina e Lirë”.
Top Channel
