Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Në kulmin e sezonit, autobusat e plazhit në Durrës lëvizin të mbingarkuar me udhëtarë dhe pa kushte, duke e kthyer transportin publik në një aventurë të detyrueshme, plot pasiguri dhe rrezik për shëndetin.
Udhëtarët e linjave urbane janë jo vetëm pushuesit vendas dhe banorët e plazhit, por edhe turistë të huaj që lëvizin mes bregdetit ku pushojnë dhe qytetit që ofron të tjera tërheqje dhe aktivitete.
Udhëtimi Durrës-Plazh dhe anasjelltas kthehet në sfilitje. Udhëtarët shprehen të shqetësuar për autobusat që mbushen mbi kapacitet dhe i detyrojnë të qëndrojnë ngjeshur me njëri-tjetrin, pastrohen rrallë dhe ajri i kondicionuar në të shumtën nuk hapet për të ulur kostot dhe rritur fitimin e kompanive që ofrojnë këtë shërbim.
Trafiku i rënduar gjatë sezonit e zgjat dhe më shumë kohë qëndrimin e udhëtarëve të çdo grupmoshe në këto kushte, ndërsa asnjë kontroll nuk ndërmerret nga inspektorët e Bashkisë Durrës për transportin publik për përmbushjen e kushteve të kontratave të lidhura me operatorët privatë.
Një pjesë e flotës së autobusave urbanë është e amortizuar dhe mbingarkesa me udhëtarë shton rrezikun për incidente dhe pasiguri për jetën e shëndetin e tyre. Rasti më i fundit ishte zjarri që shkrumboi një autobuz urban në lëvizje, muajin e kaluar.
Top Channel
