Bombardimet e vazhdueshme në Liban, refugjatët sirianë largohen nga Libani, zhvendosen drejt… 24/11 17:26
Mbetjet e një avioni që u rrëzua në Alpet zvicerane në vitin 1968 u gjetën në një akullnajë 54 vjet më vonë, njoftoi policia.
Mbetjet e avionit u shfaqën në akullnajën Aletsch, në pjesën jugperëndimore të kantonit Wallis, pranë majave Jungfrau dhe Monch. Policia sqaroi se rrënojat u gjetën të enjten.
“Hetimi përcaktoi se këto ishin pjesë të një Piper Cherokee, regjistrimi HB-OYL, i cili u rrëzua më 30 qershor 1968. Puna e mëtejshme do të ndërmerret sa më shpejt të jetë e mundur”, thuhet në njoftim.
Në aeroplan ishin një mësues, një mjek dhe djali i tij, të gjithë nga Cyrihu. Më pas u gjetën trupat e tyre, por jo mbetjet e avionit.
Mbetjet u panë nga një udhërrëfyes ecjeje gjatë një prej turneve në zonë. Për shkak të ndryshimeve klimatike dhe shkrirjes së akullnajave, rruga e ngjitjes ka ndryshuar kështu që tani kalon nëpër pjesën e malit ku ndodheshin rrënojat.
Top Channel
