Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë
24/11 13:22
Mbi 6.6 milionë njerëz janë zhvendosur brenda vendit në Ukrainë për shkak të luftës që po zhvillohet prej muajsh.
Organizata Ndërkombëtare për Migracionin në një sondazh që ka kryer muajin e kaluar tregoi se 15% e popullsisë së Ukrainës është zhvendosur.
Në të njëjtën kohë, 5.5 milionë njerëz të zhvendosur më parë janë kthyer në shtëpitë e tyre, shumica në qytetin e Kievit dhe në rajonet Kharkiv, Odesa e Chernihiv.
Sipas CNN organizata tha se shumë nga njerëzit që janë zhvendosur po përballen me vështirësi ekonomike, 60% kanë humbur punën dhe 9% nuk kanë pasur të ardhura që nga shpërthimi i luftës.
Me afrimin e muajve të ftohtë, shumë janë të shqetësuar për kushtet e tyre të jetesës, tha IOM.
Rreth 44% e ukrainasve thanë se kishin nevojë për ndihmë me riparime dhe më shumë se një e katërta kishin frikë se kishin nevojë të largoheshin nga banesat e tyre aktuale për shkak të ngrohjes së pamjaftueshme përpara dimrit.
Top Channel
