Nisma e re për dekomunistizimin, grupimi i Alibeaj kërkon lustracion në politikë

“Partive dhe organizatave politike iu ndalohet edhe propozimi i kandidatëve për anëtarë të pushtetit legjislativ dhe vendor, përfshirë pozicionin e kreut të shtetit, nëse gjatë veprimtarisë së tyre propagandojnë regjimin totalitar komunist dhe/ose përdorin simbole të tij.

Lustracioni duhet të jetë akti përfundimtar për ndarjen njëherë e mirë nga e shkuara e errët e komunizmit dhe t’i japë fund njëherë e mirë zgjatimeve të diktaturës në politikë, qeveri, drejtësi, e jetën publike të Shqipërisë“, tha Pampuri.

Lëvizja e grupimit te Alibeaj duket jo vetëm në të njëjtën linjë por ka të njëjtin qëllim me atë të paralajmëruar nga Kryemnsitri Edi Rama, i cili kërkon të ndërhyjë në ligjin e dekriminalizimit për t’i dhënë fund karrierës politike të personave që kanë mbajtur pozicione partiake në partine e punës.

Nisme e mazhorances dhe grupimit që mbështet Alibeaj duket që synon të preke jo vetëm Sali Berishën por edhe politikanin me inicilalet I.M që ka rezultuar në dosjet e ish sigurimit të shtetit.

Nën akuzë publike është vendosur presidenti Ilir Meta, të cilit demokrati Agron Gjekmarkaj i sugjeron të bëjë transparente vetë dosjen e tij.

“Ai duhet të kërkojë që nëse ekziston një dosje e bardhë apo me ngjyrë tjetër për të, të zbardhet e gjitha. Unë besoj që vetëm rruga ligjore e ndan gënjeshtrën nga e vërteta! Duke parë diskurin e Metës besoj që ai drejt saj mund të shkojë. Deklaratat politike vet-shtojnë mjegullën”, tha Gjekmarkaj.

Për momentin Ilir Meta po mundohet të ruajë qetësinë por duket se nuk e fsheh dot shqetësimin nga një pakt mes socialisteve dhe demokrateve që nuk i binden Sali Berishes.

“Partia e Lirisë do të votojë çdo nismë që synon transoarencën, për çështjet e ish-sigurimit të shtetit, për çështjet e të kaluarës, për çështjet e dekomunistizimit dhe për çdo çështje tjetër. Por partia e lirisë është shumë e qartë se problem numër 1 i vendit është dekorruptimit, dhe në radhë të parë dekorruptimi i opozitës e cila përdoret nga maxhoranca për të shmangur vëmendjen nga korrupsioni galopant”, tha Ilir Meta.

Top Channel