Mbështetja për vrasësin e CEO-s së kujdesit shëndetësor/ Sekretari i sigurisë në SHBA ngre “alarmin”: Për fat të keq, e shohim si… 22/12 21:36
Me dhjetëra pinguinë dergjen të ngordhur në brigjet e një plazhi të Maldonados në Uruguaji.
Arsyeja është se ngecja e tyre në rrjetat e peshkatarëve, që po kthehet në një problem të vërtetë në këtë zonë. Drejtori i organizatës SOS Rescate Fauna Marina, i cili njoftoi gjetjen e trishtë, thotë se që nga fillimi i vitit shumë kafshë të ngordhura, duke përfshirë luanët e detit, breshkat dhe cetacet kanë filluar të shfaqen në këto brigje uruguaiane, duke përfshirë “qindra pinguinë brenda vetëm 15 ditëve te fundit.
“Që nga fillimi i vitit, kjo po ndodh thuajse rëndom. me qindra kafshë dalin në breg te ngordhura, por këto dy javët e fundit kanë qenë një ferr i vërtetë”, shprehet Richard Tesore, drejtor i organizatës SOS Rescate Fauna Marina
Shumë pinguinë të rinj çorientohen kur kërkojnë tufat e peshqve të vegjël dhe i afrohen pa kuptuar brigjeve. OJQ-ja Rescate Fauna Marina thotë se çdo vit ata emigrojnë nga jugu i Argjentinës në bregdetin brazilian, duke udhëtuar më shumë se 5000 kilometra dhe zakonisht shfaqen në zonat e Uruguait që prej muajit maj, por cikli i zakonshëm që ndjekin është ndërprere dhe tani, nuk kanë reshtur së mbërrituri që nga fillimi i vitit.
Shpëtimin e zogjve jofluturues e ndërlikon shumë fakti që për këtë, kërkohen një sërë protokollesh, çka e bën më të vështirë mbijetesën e tyre kur humbasin në bregdet.
Top Channel
