Buxheti të martën në Kuvend, PD paralajmëron protestë, zbardhet mesazhi në grupin e kryetarëve të degëve 12/11 20:17
Konstatimi i Autoritetit për Informim mbi Dosjet e Sigurimit te Shtetit, se një politikan i profilit të lartë politik, me inicialet I.M, ka qenë pjesë e ish-Sigurimit të Shtetit në kohën e komunizmit, ka vënë në lëvizje Kryetaren e Kuvendit, Lindita Nikolla,
Mëngjesin e sotëm kryeparlamentarja Nikolla ka zhvilluar takime me krerët e grupeve parlamentare për t’I informuar mbi gjetjen e kësaj dosjeje. I pari që ka mbërritur në zyrën e saj, është kreu I grupit parlamentar të PS, Taulant Balla.
“Sot në orën 9:00, Kryetari i Grupit Parlamentar të Partisë Socialiste Taulant Balla zhvilloi një takim me Kryetaren e Kuvendit, Lindita Nikolla ku u njoh me informacionin që ka ardhur në Kuvendin e Shqipërisë nga Autoriteti për Informim mbi Dokumentet e ish-Sigurimit të Shtetit (AIDSSH)”- u njoftua nga zyra e shtypit të socialistit Balla.
Autoriteti për Informim mbi Dosjet e Sigurimit te Shtetit tha një ditë më parë se një politikan i profilit të lartë politik, me inicialet I.M, ka qenë pjesë e ish-Sigurimit të Shtetit në kohën e komunizmit.
Nisur nga ky rast, Autoriteti i Dosjeve i kërkon Kuvendit të Shqipërisë të ndryshojë ligjin mbi dosjet në vend, për shkak se favorizon politikanët e lartë dhe deputetët e Kuvendit të Shqipërisë, të cilët nuk ndëshkohen nga të qenit bashkëpunëtorë të Sigurimit të Shtetit.
Ligji aktual parashikon që ata politikanë që kanë certifikatë të pastër sigurie nga komisionet e ngritura gjatë fundit të viteve 1990, komisionet Mezini-Bezhani, të mos ndëshkohen nga autoriteti aktual.
Në letrën dërguar Kuvendit, autoriteti kërkon gjithashtu që të korrigjohet ligji për të verifikuar edhe këta funksionarë që kanë dalë të pastër në komisionet e mëparshme.
Autoriteti thotë më tej se Kuvendit iu kërkua nëpërmjet postës elektronike që të verifikohej figura e shtetasit I. M. në dosje të klasifikuara të ish-Sigurimit të Shtetit.
Top Channel
