Reforma në Drejtësi, Meta reagon sërish nga burgu: Jam krenar që kam kundërshtuar këtë grusht shteti! Qëllimi ka qenë… 15/11 22:53
Deputeti demokrat, Kreshnik Çollaku shprehet se Shqipëria duhet të pastrohet nga kanceri i Sigurimit të Shtetit, duke theksuar se është e papranueshme që të ulet në të njëjtën sallë me bashkëpunëtorë të sigurimit.
Përmes një postimi në rrjetet sociale ai thotë se gjyshi i tij, Elami Hado është persekutuar burgjeve dhe hetuesive të komunizmit.
Sipas Çollakut është detyrë e çdo deputeti dhe qytetari që të punojë për pastrimin e vendit nga përfaqësues të ish-Sigurimit të Shtetit.
“Elami Hado është gjyshi im,i persekutuar burgjeve dhe hetuesive te komunizmit.
Eshte e papranueshme qe unë sot si deputet te ulem ne te njëjtën salle me bashkëpunëtore te sigurimit te sistemit qe persekutoi e masakroi jo vetëm gjysmën e familjes time por gjysmën e shqiptareve.
Shqipëria duhet te pastrohet nga kanceri i sigurimit te shtetit,kjo është detyre jo vetëm e deputeteve te kuvendit te Shqipërisë por e çdokujt nga ne si qytetare me dinjitet e empati njerëzore. Ky është një amanet..,dhe amanetin nuk e tret as dheu”, sipas Çollakut.
Top Channel
