Scholz kundër ofensivës ushtarake të Izraelit në Rafah: Do të sillte humbje të pabesueshme të jetëve njerëzore 11/05 23:23
Festivali më i madh i muzikës në Australi është anuluar nga organizatorët, pasi shiu i madh ka sjellë prishjen e vendin ku do të zhvillohej koncerti.
I gjithë vendi është mbushur me baltë dhe pellgje uji, ndërsa fansat ishin të entuziazmuar për kthimin e ‘Splendor in the Grass’, një festival tre-ditor, pas një pauze dyvjeçare të detyruar nga pandemia.
Por moti me shi pa ndërprerje përgjatë bregut të Uellsit të Ri Jugor gjatë gjithë javës ka krijuar kushte të rrezikshme në qytetin bregdetar luksoz i popullarizuar nga të famshëm të Hollivudit.
Ndërsa anuluan programin e së premtes, organizatorët thanë se moti dhe mungesat e stafit ishin të gjitha faktorë që kanë ndikuar negativisht në gjithçka.
Rreth 50,000 njerëz pritej të merrnin pjesë në festivalin e këtij viti, shumica e të cilëve paguanin midis 189 dollarë australianë (130 dollarë) për një leje të vetme ditore dhe 399 dollarë australianë (275 dollarë) për tre ditë të plota.
Fotot dhe videot e postuara në mediat sociale tregonin ujë të turbullt dhe dhjetëra pjesëmarrës të festivalit të veshur me mbrojtës duke përballuar shiun e madh.
Ndërsa pjesa më e madhe e botës është përmbytur gjatë valëve të të nxehtit të verës, Australia ka përjetuar një dimër veçanërisht të lagësht, të shoqëruar nga përmbytjet përgjatë bregut lindor.
Sipas CNN ekspertët kanë deklaruar se kriza klimatike ka rritur intensitetin e reshjeve, të cilat kanë qenë mbi mesataren.
Përmbytjet shkatërruese goditën Uellsin e Ri Jugor shtetin më të populluar të Australisë, në fillim të këtij muaji, duke dëmtuar shtëpitë që ende presin riparime nga përmbytjet e mëparshme dhe duke detyruar bizneset të mbyllen.
Top Channel
