Arbitri thith kokainë?! Brenda pak ditësh ndryshon jeta dhe karriera e gjyqtarit anglez 14/11 15:54
Luis Suarez vazhdon të jetë pa ekip pas përfundimit të kontratës me spanjollët e Atletico Madrid.
Sulmuesi uruguaian nuk po nxitohet për të vendosur për të ardhmen.
Dëshira e “El Pistolero” është të mos largohet nga futbolli europian. Disa klube italiane kanë shfaqur interesim për 35-vjeçarin, emri i të cilit po përflitet edhe si zëvendësuesi i Haller te Borussia Dortmund.
River Plate tentoi ta merrte në Argjentinë, ndërkohë që ka interesim konkret edhe nga Nacional, ekipi ku Suarez nisi karrierën dhe u aktivizua përpara se të transferohej në Europë.
48 herë kampionët e Uruguait po tentojnë ta rikthejnë goleadorin e njohur në shtëpi. Ditët e fundit presidenti i klubit, Jose Fuentes, u ka kërkuar tifozëve ndihmë për të bindur lojtarin të rikthehet te Nacionali.
Tifozët nuk kanë humbur kohë dhe në sfidën e fituar 5-0 ndaj Cerrito ata kanë kryer një akt dashurie ndaj lojtarit. 20 mijë tifozë u panë me maska të Suarez, teksa në një moment të caktuar u ngritën në këmbë duke kënduar kore për bomberin.
Ndërkohë, edhe futbollistët e Nacionalit festuan golat dhe fitoren me maskën e “El Pistolero”-s, duke iu bashkuar thirrjes së presidentit për të bërë diçka të bukur në lidhje me bindjen e Suarez për t’u rikthyer në shtëpi./ Super Sport
Top Channel
