Dërgohet në paraburgim ushtari amerikan i arrestuar në Rusi, i akuzuar për vjedhje 07/05 09:19
Zyrtarët në Indi njoftuan se tetë gepardë të egër janë blerë nga Namibia në përpjekje për riprezantimin e kafshës së hijshme në habitatin e saj të mëparshëm.
Ata shtonin se gepardi i egër, i njohur ndryshe si ‘çita’, kthehet në gusht në pyjet e Indisë pas më shumë se 70 vjetësh.
Kafshët e ardhura nga Namibia do të lëshohen në parkun kombëtar Kuno-Palpur në shtetin qendror indian të Madhya Pradesh.
Megjithse janë një pjesë vitale e ekosostemit të Indisë, gelardët u shpallët të zhdukur nga vendi në 1952 prej gjuetisë ilegale dhe hubjes së habitatit. Ato mund të arrijnë shpejtësi deri në 110 km/orë, që i bën kafshët më të shpejta të tokës.
Vetëm rreth 7,000 gepardë mbeten në botën e egër dhe janë klasifikuar si specie e rrezikuar. Në territorin e Namibisë jeton pjesa më e madhe e tyre.
Zyrtarët indianë kanë nisur punë për rikthimin e species prej vitit 2020, kur gjykata e lartë e Indisë vendosi se gepardët afrikanë mund të rikthehen në vend në vendndodhje të zgjedhura.
Zyrtarët thanë se lëvizja koinçidon me përvjetorin e 75-të të pavarësisë së vendit, teksa gepardët celebrohen si pjesë e trashëgimisë kulturore indiane.
Ministri indinai mjedisit Bhupender Yadav, tha: “Me 75 vjetorin e pavarësisë do të risjellim specien më të shpejtë tokësore në Indi, duke e afruar atë me dinamikat ekologjike të panoramës.
“Gepardi aziatik, i cili më parë gjendej në rajone nga gadishulli arabik deri në Afganistan, është një psecie e rrezikuar që tashmë ekziston vetëm në Iran në numër të vogël. Përpjekjet për ta sjellë atë në Indi dështuan në vitet 1970, prej konflikteve politike”.
Top Channel
