Zjarri dogji dhjetëra hektarë bimësi dhe rrezikoi shtëpitë, neutralizohen flakët në Lezhë
19/07/2022 09:28
Operacioni “fshesa”! Anglia nis mbledhjen e azilantëve për t’i çuar në Ruanda 28/04 17:07
Pas disa orësh janë vënë nën kontroll vatrat e zjarrit në qarkun e Lezhës.
Në fshatin Piraj u dogjën dhjetëra hektarë bimësi, pemtore dhe një pjesë e konsiderueshme e traversave të linjës hekurudhore Shkodër-Lezhë, pasi ishin të mbuluara nga ferrat. Po ashtu nga ky zjarr u rrezikuan kisha, varrezat dhe disa shtëpi, por fatmirësisht u lokalizua në kohë.
Rreth orës 4:00 të mëngjesit u bë e mundur të izolohen dhe vatrat në kurorën me pisha në zonën e lagjes “Nënë Tereza”, ku falë ndërhyrjes së zjarrfikëseve, forcave të ushtrisë të ardhura nga Shkodra parandaluan rrezikun për shumë banesa.
Vatra tjetër e zjarrit që përfshiu dy anët e autostradës Milot-Lezhë është vënë nën kontroll gjatë orëve të vona të darkës me ndihmën edhe të banorëve të zonës, kur për rreth 1 orë kalimi u bë vetëm me një sens, pasi tymi mbuloi të gjithë zonën dhe zjarri u afrua pranë rrugës.
Top Channel
