Pse Musk mund të sjellë humbje të konsiderueshme të vendeve të punës në SHBA 13/11 10:16
Ushtria ukrainase tha këtë të hënë se bombardimet e mbrojtjes së saj në të gjithë Donetsk po vazhdojnë, por përpjekjet e reja të forcave ruse për të fituar territor kanë dështuar.
Shtabi i Përgjithshëm tha se në veri të qytetit të Slovianskut më shumë se dhjetë vendbanime ishin vënë nën zjarr. Shumica e civilëve u larguan nga zona javë më parë.
Rusët vazhduan të bombardonin zonat përgjatë kufirit të rajoneve Luhansk dhe Donetsk dhe po vazhdonin me një sulm tokësor në lindje të qytetit të Lysychansk, të cilin e morën muajin e kaluar.
Forcat ukrainase që ende mbrojnë këtë pjesë të territorit në rajonin lindor të Donetskut po sulmohen nga dy anë ndërsa rusët përpiqen të mbyllen në qytetin Siversk.
Por Shtabi i Përgjithshëm u shpreh se ukrainasit zmbrapsën me sukses sulmet në zonat e vendbanimeve Verkhniokamianske, Spirne dhe Serebrianka të gjitha afër Siverskut.
Ushtria ukrainase ka treguar se përpjekjet ruse për të sulmuar nga jugu, afër Bakhmutit, gjithashtu ishin kundërshtua.
Në jug, ushtria tha se rusët ishin përpjekur të kryenin një sulm ajror në veri të Khersonit, pjesë të të cilit u çliruan javët e fundit.
“Pasi sulmoi pozicionet tona, [armiku] u tërhoq menjëherë nën sulmin e zjarrit”, tha Komanda Operacionale në Jug.
Ai pretendoi se avionët ukrainas kishin goditur armët dhe municionet ruse pranë Davydiv Brid, në kufirin e rajoneve Kherson dhe Mykolaiv.
Në jug gjatë natës u raportuan granatime të rënda në qytetin Nikopol, rajonin e Dnipropetrovsk, ku rreth dhjetë shtëpi dhe një termocentral ishin goditur.
Top Channel
