Rritja e numrit të rasteve të infektuara me Covid ka filluar të shoqërohet edhe me rritjen e numrit të pacientëve që kanë nevojë të trajtohen në spital.
Ndër 20 pacientët që po trajtohen në spitalin Covid 3 një pjesë e mire e tyre nuk e kanë kaluar asnjëherë sëmundjen e Covid .
“Janë në stad të mesëm, jo me insuficiencë respiratore të thellë”, tha Elda Qyra, mjeke infeksioniste.
Me këtë kthesë që ka marrë epidemia e covid 19 jo vetëm në Shqipëri, por në shumë vende të tjera fqinje, mjekët infeksionistë këshillojnë mbajtjen e maskave sidomos në ambiente të mbyllura.
“Mbajtja e maskës është një masë e mirë mbrojtëse”, tha mjekja.
Mjeket thonë se dy humbjet e jetës që u regjistruan këto ditë kanë qenë me sëmundje të tjera bashkëshoqëruese . Sipas tyre për sa kohë rritet numrit i personave që infektohen do të rritet dhe numri i pacientëve në spital dhe nuk do të mungojnë humbjet e jetës.
Top Channel
