Episodi i parë i “MeKast” nuk ka dalë kurrë në transmetim, Megi Pojani zbulon arsyen e fortë 24/04 22:40
Filmi i famshëm romantik ose politik sipas këndvështrimit të gjithësecilit, Titaniku, nga regjizori James Cameron thuhet se do të rikthehet në ekrane me një version të ripërpunuar në ditën e Shën Valentinit, 2023.
Por megjithse historia ka magjpesur miliona shikues prej dy dekadash e gjysmë, ka pasur gjithmonë një “gropë” të paqartë në subjektin e saj, që cilën fansat nuk e kanë lënë kurrë te harrohet.
Ky është momenti në fund të filmit kur Rose (e luajtur nga Winslet) qëndron në sipërfaqen e ujit mbi një derë, pasi Titaniku është përmbysur.
I dashuri i saj Jack (i luajtur nga DiCaprio) shihet që rri duke qëndruar në ujin e ngrirë pranë saj, para se rrjedhimisht të ngrijë për vdekje.
Megjithse skena është një nga momentet më të fuqishme për nga dramaticiteti, shikuesit gjithmonë kanë pyetur të njëjtën pyetje: Jack nuk ngjitet të rijë mbi ujë në derën ku qëndron Rose?
Dhe në fakt regjizori i është përgjigjur disi shkarazi pyetjes, misteri i së cilës është pranuar në disa raste edhe nga protagonistja Winslet.
Ajo ka thënë se nuk e kupton se përse DiCaprio nuk mund të ngjitet e ndoshta të shpëtojë bashkë me të mbi derën pluskuese.
Por përgjigja vjen nga një intervistë e regjizorit Cameron në 2017 kur u pyet për vdekjen e Jack.
“Përgjigja është e thjeshtë, sepse në faqen 147 të skenarit Jack duhet të vdesë”.
Cameron thotë më tej se kjo është një zgjedhje artistike:
“E di që është pak pa kuptim, sepse këtë po e diskutojmë 20 vjet më vonë. Por filmi ka të bëjë me vdekjen dhe ndarjen, që janë ato që frymëzojnë emocione,t kështu që nuk ka shumë rëndësi nëse vdiq nga i ftohti apo nëse i ra një tub oxhaku në kokë, janë vetëm arsye artistike jo fizike”.
Top Channel
