I nxehti dikton dietën/ Nutricionistët: Duhet të konsumojmë fruta, perime dhe 2 litra ujë në ditë

28/06/2022 12:34

I nxehti afrikan dhe vera në përgjithësi diktojnë një regjim tjetër ushqimor.

Enkeleda Ferrollari, nutricioniste: Është e nevojshme që të zëvendësojmë të gjithë lëngjet që humbasim me djersitje duke pirë sa më shumë ujë, lëngje, por jo lëngje me sheqer dhe me gaz, dhe fruta me lëng. Kemi shalqirin, pjeprin, pjeshkët, qershitë, kajsitë, që janë fruta të pasura me lëng dhe antioksidantë, si dhe me kripëra minerale që I humbasim gjatë verës.

Gjatë ditës duhet të konsumojmë 1 litër e gjysmë deri në 2 litra ujë në ditë.  Zarzavatet janë një burim shumë I mirë I kripërave minerale, vitaminave dhe antioksidues. Domatja, kastraveci, sallata jeshile, patëllxhan, speci. Në çdo vakt duhet të kemi racion të bollshëm zarzavatesh. Të gjitha ngjyrat duhet të jenë në tavolinë.

Duhet të kufizojmë sasinë e yndyrnave shtazore, mishin me dhjam, gjalpin, të skuqurat. T’i zëvendësojmë me peshkun, filetot e pulës.

Ushqimet e shpejta, të gatshme, si hamburgerët, sanduiçët, sufllaqet, të ngarkuara me shumë yndyrna shtazore, duhet t’i konsumojmë akoma më pak gjatë verës.

Supat e zarzavateve, të ftohta janë një burim shumë i mirë i lëngjeve dhe i elementeve mokroushqyese si kripërat, vitaminat dhe fibrat.

Pushimet verore, argëtimi dhe festat bëjnë të konsumojmë më shumë pije  alkoolike që në fakt na dehidratojnë më shumë.

Enkeleda Ferrollar: Sasia e alkoolit që konsumojmë duhet të jetë e moderuar. Konsumi i tiij duhet të shoqërohet me konsumim të ujit, për të bërë të mundur hidratimin e trupit.

Top Channel