“Ai është vërtet shumë i sëmurë”, media amerikane: Shëndeti i mbretit Charles po përkeqësohet! Vazhdojnë përgatitjet për funeralin mbretëror 26/04 10:42
Një xhirafë e sapolindur ka surprizuar dje vizitorët me një kalim të shpejtë prapa skene në kopshtin zoologjik Taronga në Australi.
Vizitorët ishin të parët që pikasën këlyshin e vogël mashkull mes barit të gjatë, të shoqëruar nga kujdestarja Bobby-Jo Vial.
Ajo tregon se moti një ditë më parë ishte me mjegull, prandaj e dinte se mund të kishte ndodhur diçka, duke iu referuar lindjes së këlyshit.
Xhirafat besohet se koinçidojnë lindjen e këlyshëve me kushte jo të përkryera të motit, si për shembull me kohë stuhie apo gjendje të tjera të pazakonta, për të ndihmuar mbijetesën e këlyshëve të dobët ndaj sulmeve te predatorëve.
Ky ishte këlyshi i shtatë për nënën xhirafë Ntombi, kurse babai i tij Mtoto ishte transferuar në seksionin e shumimit të kopshtit zoologjik prej vitit 2019 për të rritur diversitetin gjenetik të xhirafave.
Popullsia e xhirafave ka qenë në rënie dekadën e fundit prej humbjes së habitatit, gjuetisë së paligjshme, grackave dhe luftërave, shkruan Daily Mail.
Top Channel
