Tragjike në Gjakovë, 11-vjeçarja humb jetën nga flakët në banesë
20/06/2022 10:15
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Një ngjarje e rëndë ka ndodhur në orët e para të mëngjesit të sotëm në Gjakovë.
Mësohet se një vajzë e vogël 11-vjeçare ka humbur jetën si pasojë e zjarrit që përfshiu banesën në të cilën jetonte.
Zëdhënësi i Drejtorisë Rajonale të Policisë në Gjakovë, Sheremet Elzaj, i tha KosovaPress-it se për ngjarjen janë lajmëruar rreth orës 01:40 për banesën e cila gjendet në rrugën “Yll Morina”.
“Në banesën në fjalë pas shuarjes së zjarrit është gjendur trupi i viktimës femër/kosovare lindur në vitin 2011 për të cilën ekipi mjekësor ka konstatuar vdekjen e saj. Njësitet relevante të policisë kanë dalë në vendin e ngjarjes si dhe është njoftuar Prokurori i Shtetit me rekomandimin e të cilët është iniciuar rast ‘Hetim i Vdekjes’ dhe ‘Zjarrvënie’. Trupi i pa jetë është dërguar në IML për obduksion”, tha Elezaj.
Edhe zjarrfikësit shkuan në vendngjarje ndërsa bashkë me policinë kishin bërën evakuimin e banorëve të tjerë të të njëjtit bllok banesor.
Top Channel
