Sulmi terrorist në Gjermani, publikohet fotoja e autorit të dyshuar 21/12 21:09
Autoritetet në Arabinë Saudite kanë sekuestruar artikujt e fëmijëve me temë ngjyrën e ylberit nga dyqanet pasi pretendojnë se ngjyrat inkurajojnë homoseksualitetin.
Zyrtarët e ministrisë së Tregtisë kanë shkuar në qendrat tregtare në kryeqytetin Riad për të konfiskuar sende të tilla si lodra, kapëse flokësh, artikuj bukurie, rroba, kapele, fletore, kuti lapsash dhe xhingla të tjera.
Një video e një raporti lajmesh, të postuar në Twitter nga kanali televiziv shtetëror Al-Ekhbariya, tregon dy zyrtarë që shëtisin nëpër dyqane për të inspektuar mallrat përpara se të vendosin artikujt me ngjyra të ndezura në një grumbull në dysheme.
Një zyrtar i tha kanalit se artikujt me ngjyrë ylberi promovojnë ngjyrat homoseksuale dhe po synojnë brezin e ri.
Ministria shkroi në Twitter se sendet u sekuestruan sepse ato përmbajnë simbole dhe shenja që bëjnë thirrje për devijime dhe kundërshtojnë sensin e shëndoshë. Dyqanet që do t’i shesin ato do të përballen me ndëshkime ligjore, shtoi ai.
Ky veprim vjen pasi autoritetet në Katarin fqinj njoftuan në dhjetor se kishin konfiskuar lodra me ngjyrë ylberi nga dyqanet. Arabia Saudite nuk ka ligje në lidhje me orientimin seksual ose identitetin gjinor, por marrëdhëniet seksuale jashtë martesës, duke përfshirë homoseksualitetin, mund të dënohen me fshikullim ose vdekje.
Top Channel
