Balanca mes hidratimit dhe djegies së kalorive është mëse e nevojshme të ruhet rregullisht, sidomos në stinën e verës.
Këto ushqime të shëndetshme të listuara nga AgroWeb.org, të cilat jo vetëm hidratojnë, por edhe përmirësojnë energjinë, përqendrimin dhe shëndetin e përgjithshëm e mbi të gjitha kanë pak kalori.
Kastraveci është një ndër ushqimet më hidratuese në botë.
95 përqind e përmbajtjes së tij përbëhet nga uji dhe një pjesë e mirë e vitaminës K.
Për më tepër ai ka pak kalori dhe nuk ju shëndosh.
95 përqind e selinosë përbëhet nga uji dhe për fat të mirë është një ushqim me pak kalori.
Selinoja është një ushqim freskues dhe shumë hidratues dhe me pak kalori.
Sipas të dhënave të AgroWeb.org, specat janë të pasur me antioksidantë dhe vitaminë C.
Për më tepër, 92 % e tyre përbëhet nga uji.
Për pasojë, speci ju ndihmon të humbisni në peshë.
Pjepri përbëhet nga 90 përqind ujë dhe është një nga ushqimet që hidratojnë më shumë dhe me pak kalori
Pjepri është i pasur me vitaminë A,C shumë nga vitaminat e kompleksit B.
Qitro është një frut me shumë vlera të mira shëndetësore dhe ka aftësinë të shuajë oreksin, duke përshpejtuar metabolizmin nga ana tjetër
Qitro përmban 90 përqind ujë, njësoj si pjepri.
Spinaqi është një ushqim që i bën shumë mirë organizmit dhe hidratimi është një nga vlerat më të mira të tij.
Spinaqi përmban 91 përqind ujë ndaj është një nga barishtet më të shëndetshme që mund të konsumoni.
Spinaqi i lartpërmendur kombinohet mjaft mirë me domaten.
Ajo është një nga ushqimet më hidratuese me një përmbajtje ujore prej 94 përqind.
Për më tepër, domatja përmban edhe sasi domethënëse të biotinës, vitaminave C dhe K.
Rrepkat e kuqe krokante dhe pak të athëta përmbajnë shumë ushqyes të rëndësishëm dhe 95 përqind e tyre përbëhet nga uji, sipas informacioneve të AgroWeb.org.
Shalqini është fruti ynë më i preferuar i verës.
91 përqind e strukturës së tij përbëhet nga uji.
Ky frut kaq i shijshëm dhe i lëngshëm përmban edhe doza të shëndetshme të vitaminës A, B6 dhe shumë antioksidantë./AgroWeb
Top Channel
