Fokat nuhasin prenë e tyre në errësirë me anë të mustaqeve, thotë studimi i ri (fotot)

Megjithse mund të duket si një utopi kjo duket se është mënyra sesi funksionon gjuetia e fokave në errësirë, teksa mustaqet e tyre ultra të ndjeshme i drejtojnë te gjahu i dëshiruar.

Shkencëtarët e Institutit të Studimeve Polare në Tachikawa, Japoni vendosën kamera të vogla në kokën e fokave elefant për të regjistruar lëvizjet e mustaqeve të tyre.

Ata zbuluan se ato përdornin mustaqet për të zbuluar lëvizjet e ujit të shkaktuara nga peshqit në ndriçim të reduktuar.

Fokat njihej edhe më parë që gjurmonin ushqimin e tyre edhe në thellësitë e oqeanit ku drita e diellit nuk arrin plotësisht, por si arrinin ta bënin këtë kishte mbetur njëfarë misteri.

Gjitarë të tjerë si balenat përdorin në gjueti biosonarët e tyre, që njihen ndryshe si mjete eko-lokacioni.

Në këtë mënyrë ato lëshojnë zëra, valët e të cilëve përplasen në objektet e afërta, duke i mundësuar krijimin e imazheve holografike të rrethinave të tyre.

Të tjerë gjitarë përdorin  bio-lumineshencën, që është krijimi i ndriçimit brenda një organizmi me anë të reaksioneve kimike, që ndodh te preja e tyre.

Fokat nuk kanë sonarë për gjueti me ekolokacion apo biolumineshencë, por gjithsesi kanë treguar aftësi gjuetie në zona të pandriçuara.

Prandaj shkencëtarët thonë se ato mbështetën në mustaqet e tyre sensitive dhe procesojnë vibracionin dhe të tjera informacione nga rrethinat e tyre.

Fokat kanë numrin më të madh të fibrave nervore në qimet e mustaqeve të tyre nga çdo gjitar.

Studiuesit vëzhguan se fokat zgjasin ose tkurrin mustaqet e tyre vazhdimisht teksa kërkojnë për sinjale hidro-dinamike në det, që sinjalizojnë prezencën e mundshme të ushqimit.

Ato zgjasin mustaqet e tyre kur janë në thellësi më shumë se 200 ku është zakonisht dhe terreni i tyre i gjuetisë.

Studimi u publikua në revistën shkencore “Proceedings of the National Academy of Science”.

Top Channel