Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Grupe ushtarake në barka kërkonin sot në lumin Javary dhe në Amazonën braziliane për të gjetur gazetarin britanik Dom Phillips dhe indigjenin brazilian Bruno Pereira të zhdukur në zonën e largët pas kërcënimeve të marra.
Qeveria e vendit zotohej sot të bënte çdo përpjekje për gjetjen e tyre ndërsa të afërmit paralajmëronin se çdo minuta kishte rëndësi.
Gazetari i vjetër Dom Phillips, 57 vjeç, dhe eksperti i respektuar indigjen Pereira, 41 vjeç, janë parë herën e fundit të dielën duke lundruar pranë kufirit me Perunë.
Phillips ishte duke hulumtuar për librin e tij dhe pritej të kthehej mëngjesin e të dielës në qytezën Atalaia do Norte por nuk u kthye kurrë.
Dyshja po udhëtonin nëpër rajon për të intervistuar liderët vendas mbi operacionet ilegale të minierave apo peshkimit ne zone, për librin e ardhshëm të Phillips.
“Policia federale është mobilizuar për kërkimin dhe gjetjen sa më shpejt të dy të humburve”, thanë autoritetet në një deklaratë”.
“Qeveria e Brazilit do të mbështesë operacionet e kërkimit dhe urgjencën që paraqet ku rast. Nëse zhdukja është rezultat i aktivitetit kriminal, do të merren të gjitha hapat për kapjen e përgjegjësve”, shtonin ata.
Grupet e popullsive indigjene në rajon thanë se dy burrat kishin marrë kërcënime javën e shkuar, pa përmendur arsyet apo motivimin e tyre.
Top Channel
