Zgjidhet Sekretari i Përgjithshëm i KiE, ministri Hasani: Lidershpi juaj do të forcojë vlerat tona të përbashkëta! 18/09 19:16
I ftuar ditën e sotme në emisionin “Top Talk” në Top Channel, ishte i pranishëm ish-deputeti Halit Valteri, i cili së fundmi ka bërë një kallëzim në SPAK për presidentin aktual Ilir Meta.
Ai u shpreh se në lidhje me këtë kallëzim se disponon dokumenta zyrtare dhe po e bën këtë gjë për të mirën e vendit.
Më tej Valteri shtoi se ky nuk është denoncimi i parë e as i fundit, ai tha se në javët në vijim do të denoncojë edhe një deputet aktual, i cili në të shkuarën ka qenë ministër, duke mos e bërë të ditur identitetin e tij.
Denis Dyrnjaja: Përse vendose të kallëzosh Metën në SPAK në fund të mandatit?
Halit Valteri: Kjo është më shumë rastësi, nuk është arsyeja që po largohet nga posti i tij. Arsyeja është se jam kontaktuar nga një koleg i juaji austriak dy javët e fundit, që më ka nisur me e-mail disa dokumenta për presidentin e vendit tim. Isha skeptik tek kjo pjesa se mendova mos është një “Gjueti shtrigash”, por ai mi dërgoi se isha i vetmi person që isha marrë duke denoncuar këtë pjesë dhe kur pashë materialet thashë pse jo ti bëj një shërbim vendit tim.
Unë nuk e kam për herë të parë denoncimin dhe ky nuk do të jetë i fundit. Javën që vjen kam një denoncim tjetër për një zyrtar tjetër. Janë tre dosje që po hetohen dhe ka materiale dhe shpresoj që drejtësia të vihet në punë e të mos lihet në pluhurin e harresës. Ky person është një deputet aktualisht dhe një ish-ministër.
Dyrnjaja: Bashkë me kallëzimin për presidentin, keni bashkëlidhur edhe një kallëzim për Kryemadhin dhe Tavo. Çfarë rolesh kanë secili nga ato?
Valteri: Për Kryemadhin si kryetare e LSI-së, që duhej të kishte transparencë me fondet, flitet për 900 mijë euro dhe jo vetëm kaq.
Tavo si pikë takimi, financues pasi ka krijuar të gjithë skemën. Shpresoj të merren në pyetje.
Top Channel
