Sharmit të luleve rozë e bardhoshe të kumbullës është e vështirë t’i rezistosh. Akoma më e vështirë do jetë rezistenca kur të mësoni se këto lule janë shumë të pasura me antioksidantë dhe mirëbërëse për uljen e kolesterolit.
Lulet e kumbullës janë përdorur në mjekësinë Kineze prej mijëra vitesh kundër një sërë problemesh mjekësore përfshirë: ulçera, tretjet dhe kolesterolit.
Këto lule janë të mira për trajtimin e ulçerës gastrike. Kjo ndodh sepse ato janë shumë të pasura me antioksidantë të cilët zbusin irritimin në stomak.
Çaji i lules së kumbullës është i mrekullueshëm për uljen e kolesterolit të keq. Ai ndihmon në parandalimin e sëmundjeve kardiovaskulare, ishemisë apo sëmundjeve të tjera siç është ateroskleroza.
Antioksidantët e shumtë tek çaji i lules së kumbullës e bëjnë imunitetin më të fortë në parandalimin e shumë sëmundjeve.
Çaji i lules së kumbullës ndihmon në uljen e temperaturës, zbut simptomat e të ftohurës dhe infeksionet e tjera. Falë antioksidantëve që ka, lulja ndihmon edhe për përmirësimin e frymëmarrjes.
Përveç pastrimit të rrugëve të frymëmarrjes, çaji i lules së kumbullës rekomandohet për njerëzit që vuajnë nga problemet me tretjen apo të stomakut.
Ekspertët e AgroWeb.org rekomandojnë mbledhjen e luleve nga pema dhe më pas tharjen e tyre në një ambient të hapur.
Pasi të jenë tharë, lulet futini në një kavanoz qelqi dhe mbajini në një vend të errët.
Kësisoj mund t’i ruani për një kohë shumë të gjatë.
Për përgatitjen e çajit zieni 250 ml ujë dhe shtoni një lugë çaji me lule të thata.
Fikeni zjarrin dhe lërini lulet në ujë për 15 minuta.
Kullojeni lëngun, shtoni mjaltë dhe pijeni.
Sasia e rekomanduar e çajit të lules së kumbullës është deri në 5 filxhanë në ditë./AgroWeb
Top Channel
