“Babai i Martinit po ‘bombardohet’ si po trajtohet ngjarja”, avokati tregon gjendjen e familjes së 14-vjeçarit 28/11 21:45
Finalja e Champions League e cila u mbajt në “Stade de France” të Parisit, solli shumë pakënaqësi dhe akuza nga pala humbëse.
Ndeshja përfundoi me fitoren e Real Madridit dhe pakënaqësinë e Liverpoolit, që nisi që fill pas mbarimit të finales.
Franca dhe UEFA kanë deklaruar se 30,000-40,000 tifozë anglezë rezultuan në stadium pa bileta ose me bileta false, ndërsa kjo gjë ka shkaktuar kaosin që u pasua me pakënaqësitë e mbështetësve të Liverpool.
“Dëshiroj të shpreh keqardhjen tonë për organizimin e kësaj finale, sepse disa njerëz nuk mundën ta shihnin të gjithë ndeshjen. Dhe sigurisht, dënoj edhe gabimet që ndodhën para kësaj ndeshje futbolli. U vu re se kishte një mashtrim masiv në një shkallë industriale dhe organizim për bileta false sepse gjatë kontrollit nga ‘Stade de France’ dhe ‘Federata Franceze e Futbollit’, pa që 70% e biletave ishin false”, tha Ministri i Brendshëm i Francës, Gerald Darmani.
Sipas Sky News, ai u shpreh se gjysma e arrestimeve ishin shtetas britanik, ndërsa autoritetet franceze kishin ndërmarrë hapa për t’u përgatitur për rrezikun e tifozëve anglez në finale.
Më herët Ministri i Sportit në Francë kishte fajësuar tifozët e Liverpool-it që u shfaqën pa bileta të vlefshme. Në lidhje me skenat e dhunës të cilat kanë nxitur shumë kritika, ai ka folur në një takim me UEFA-n dhe zyrtarët e tjerë për të sqaruar situatën.
Mbretëria e Bashkuar ka kërkuar një hetim të plotë për atë që ndodhi në finalen e “Champions League”, ndërsa Boris Johnson i përshkroi skenat si “thellësisht shqetësuese”.
Top Channel
