Protestat, 2 mijë të arrestuar. Policia nis pastrimin e tendave në universitetet e SHBA
05/05 22:56
Njëzet trupa viktimash raportohet se janë gjetur pas përplasjes së djeshme të një avioni në një zonë malore te Nepalit.
Pamjet e para të rrënojave të aksidentit u publikuan sot nga ushtria e vendit pas zhdukjes së dielën të avionit me 22 pasagjerë.
Pjesë të avionit shihen të shpërndara në vendin e lartë të përplasjes në Sanosware, Mustang.
Ushtria dhe policia e Nepalit janë ende në vendngjarje duke kërkuar mes rrënojave.
Tek Raj Sitaula, zëdhënsi i aeroportit ndërkombëtar të Tribhuvan në kryeqytetin Kathmandu, tha se vijojnë kërkimet për të pagjeturit.
Grupet shiheshin që punonin me duar të zhveshura dhe një pjesë e rrënojave më të madhe të metalit nuk janë zhvendosur ende.
Mes 19 pasagjerëve dhe 3 anëtarëve të ekuipazhit që gjendeshin në avionin fatkeq, ndodheshin 13 qytetarë të Nepalit, katër nga India dhe dy gjermanë.
Avioni i linjave Tara Air po kryente fluturimin 20-minutësh nga rezorti i Pokhara, 125 milje në perëndim të Kathmandu, në qytezën malore të Jomsom.
Mjeti humbi kontaktin me aeroportin 5 minuta para kohës kur duhej të ulej në zonë e frekuentuar turistike, që pret shpesh turistë nga Evropa, India dhe vendas nga Nepali.
Moti në zonë kishte qenë me shi por fluturimet kishin vepruar normalisht.
Avioni u gjet në një lartësi prej 4,500 metrash, ndërsa hetuesit po kërkojnë gjithashtu në grykën mes dy maleve.
Nepali ka disa nga malet më të larta të botës, përfshi dhe majën e Everest, por gjithashtu ka shënuar disa aksidente të rënda ajrore.
Top Channel
