Trump zhvillon takimin e parë me një lider të huaj që nga fitorja në zgjedhje, përse zgjodhi presidentin e Argjentinës? 16/11 08:15
7-vjeçari ukrainas zgjodhi që ta vazhdonte ëndrrën e tij në patinazh, pavarësisht se iu desh të kalonte shumë peripeci prej sulmeve ruse.
Ai tashmë jeton në Bristol pasi u arratis nga lufta, ndërsa po kërkon një trajner të ri për ta ndihmuar në stërvitje.
Gosha Mandziuk, i cila konkurroi në nivel kombëtar dhe ishte gjithashtu pjesë e një ekipi të hokejit në akull, nuk ka mundur të bëjë patinazh për tre muaj.
Ndërsa Gosha doli në akull për herë të parë që kur iu bashkua familjes së tij pritëse, nëna e tij Iryna tha për Sky News se patinazhi artistik ishte një pjesë e madhe e jetës së tij.
“Pasioni më i madh në gjithë jetën tonë në familjen tonë, Gosha është një patinator artistik. Atij i pëlqejnë garat, medaljet dhe i gjithë procesi vetëm në patinazh! Më trishton që nuk mund ta rregulloj. Detyra ime është që të mos humbasë aftësitë [e tij]”, tha mamaja e tij.
“Është një lloj sporti i saktë dhe i vështirë dhe ju duhet të stërviteni çdo ditë për disa orë, kështu që unë dua të bëj diçka”.
Para luftës, Gosha stërvitej gjashtë ditë në javë në Ukrainë , duke u ngritur në 5 të mëngjesit.
Tani, duke u vendosur me një familje në Bristol, ai dhe nëna e tij po kërkojnë një trajner të ri dhe diku për t’u stërvitur – por kostoja është dukshëm më e lartë në MB.
“Tani është minimalisht pesë herë më e shtrenjtë dhe nuk është e përballueshme për momentin. Unë kam nevojë për mbështetje për të vazhduar stërvitjen për të. Pa një trajner, ne nuk jemi në gjendje të bëjmë asgjë.”
“Kjo më frustron shumë. Më mërzit dhe zemëron. Ne do të vazhdojmë, por tashmë janë tre muaj luftë. Ne duhet të vazhdojmë sa më shpejt që të jetë e mundur para se të humbasim aftësitë”, shtoi ajo.
Një udhëtim i rrezikshëm
Gosha dhe Iryna mbërritën në MB muajin e kaluar dhe po qëndrojnë me Caroline Drugan dhe familjen e saj.
Zonja Drugan tha për Sky Neës se kishte një përpjekje të madhe për të çuar pajisjet e patinazhit të Goshës në Angli.
“Ajo [Iryna] më tha se burri i saj do të kthehej në Kiev, një udhëtim i rrezikshëm në një tren pa drita për të mos tërhequr vëmendjen te rusët.”
“Ai e bëri atë gjatë natës, shkoi në apartamentin e tyre, mori patinat dhe veshjen e tij dhe duhej të bënte udhëtimin, ato patina janë mjaft të rëndësishme për këtë familje!”
Gosha shpreson të gjejë një trajner në Bristol dhe të vazhdojë stërvitjen e tij derisa ai dhe familja e tij të kthehen më në fund në Ukrainë.
Top Channel
