VIDEO/ Sara publikon barkun e rrumbullakosur, Bardhi e puth, mesazhi emocionues: Mami dhe babi… 18/04 22:33
Një burrë në të 40-at që po shëtiste me motoçikletë në parkun kombëtar të Lawn Hill në Australi bëri një pushim në pellgun e një ujëvare kur u sulmua nga bisha gjigante.
Ai u dërguar më pas në spital me një ambulancë ajrore prej plagëve të marra nga krokodili i ujërave të ëmbla.
Incidenti ndodhi të dielën në parkun e Queensland, teksa burri po notonte në pellgun Adel’s Grove kur bisha e kapi nga krahu dhe refuzonte ta lëshonte.
Burri i guximshëm i kishte thënë grupeve të shpëtimit se ishte përleshur me krokodilin para të arrinte të shpëtonte.
Grupet e shpëtimit e dërguan atë me helikopter në spitalin më të afërt ku ai mbetet në dhimbje por në gjendje të stabilizuar.
Ai kishte pësuar plagë kafshimi në krah, duar e këmbë.
Oficeri i ndihmës Greig Allan tha: “Pacienti në tha se krokodili që e sulmoi ishte ndoshta tre metra i gjatë dhe se ishte me fat që kishte shpëtuar gjallë.
Shërbimet e ambulancës në Queensland thanë se kishte një popullatë të madhe të krokodilëve të ujërave të ëmbël në zonë.
Ai shtonte më tej: “Krokodilët janë normalisht shumë të turpshëm por mund të bëhen agresivë kur kapen në befasi”.
Më herët këtë muaj një vajzë adoleshente u vra nga krokodili teksa notonte në një lumë në Zimbabve.
Fshatarët kishin nxituar ta ndihmonin pasi dëgjuan të bërtiturat dhe nisën ta kërkonin, por krokodili ishte zhdukur bashkë me trupin e viktimës.
Top Channel
