Në një botë paralele/ Biden dhe Trump shokë të ngushtë, pamjet me Inteligjencë Artificiale bëjnë xhiron e rrjetit 15/11 10:33
Kim Kardashian dhe Pete Davidson janë një ndër çiftet më të komentuar në të gjithë botën.
Ata u panë për herë të parë bashkë vitin e kaluar, ndërsa daljet e tyre në publik kanë qenë më të shpeshta, pas ndarjes nga Kanye West.
Kim ka folur së fundmi për marrëdhënien e saj me aktorin Pete Davidson. Në episodin e fundit të “The Kardashians”, teksa ishte në praninë e Ellen DeGeneres, Portia de Rossi dhe Scott Disick, ajo tha se ‘Pete është qenia njerëzore më e ëmbël dhe më e këndshme në planet”.
Pavarësisht se ishte një deklaratë shumë e ëmbël, Kim i kurseu detajet përpara kamerave. Page Six konfirmoi në nëntor se Kardashian, 41 vjeçe, dhe Davidson, 28 vjeç, ishin zyrtarisht në lidhje.
Dalja e tyre më fundit publike e tyre ishte në “Met Gala”, ku Kardashian veshi fustanin e Marilyn Monroe, njëkohësisht ndryshoi ngjyrën e flokëve vetëm që të ngjasonte me të.
Gjatë një interviste, Kim ka pranuar se nuk e ka pritur kurrë të lidhej me Pete, duke shtuar më tej se gjërat ndodhin atëherë kur nuk i pret.
“Unë mendoj se ndonjëherë gjërat ndodhin atëherë kur nuk i prisni. Ishte gjëja e fundit që po mendoja vërtet”, tha Kardashian për romancën e saj me aktorin.
Top Channel
