Në rast sulmi! Britania e Suedia marrëveshje: Ndërhyjmë ushtarakisht në rast rreziku

“Nëse Suedia do të sulmohej dhe do të kërkonte nga ne për mbështetje, ne do ta ofrojmë atë”, u tha Johnson gazetarëve .

“Kryeministri dhe unë kemi rënë dakord të përballemi së bashku me sfidat në fushën e paqes, krizave dhe konfliktit. Dhe nëse secili vend do të pësojë një fatkeqësi ose një sulm, Mbretëria e Bashkuar dhe Suedia do të ndihmojnë njëra-tjetrën në mënyra të ndryshme. Mbështetja do të jetë jepet me kërkesë nga vendi i prekur dhe mund të përfshijë burime ushtarake.”– tha Magdalena

Johnson pritet të nënshkruajë një marrëveshje të ngjashme në Helsinki më vonë të mërkurën.

“Këtu në Suedi po zhvillohet një bisedë e veçantë, në të cilën nuk dua të hyj, është një çështje e Suedisë dhe për marrëdhëniet e ardhshme të Suedisë me NATO-n. Por ajo që ne po themi prerazi është se në rast të një fatkeqësie ose në rast të një sulmi ndaj Suedisë, atëherë Britania e Madhe do t’i vinte në ndihmë Suedisë me çdo gjë që Suedia kërkon, dhe ne shpresojmë që kjo është një gjë e dobishme dhe e rëndësishme për të thënë.”- tha Boris Johnson.

Suedia dhe Finlanda do të vendosin në ditët në vijim nëse do të heqin dorë nga mos-angazhimi ushtarak për dekada dhe do t’i bashkohen NATO-s, pas pushtimit rus të Ukrainës.

Të vetëdijshëm për  zemërimin e Moskës pasi ajo kundërshton çdo zgjerim të NATO-s, dy vendet nordike kanë kërkuar garanci sigurie nga anëtarët e aleancës ushtarake se do të mbroheshin gjatë periudhës së ndërmjetme midis paraqitjes së një aplikimi dhe marrjes së anëtarësimit të plotë.

Helsinki dhe Stokholmi kanë zhvilluar tashmë bisedime me anëtarët e fuqishëm të NATO-s, përfshirë SHBA-në, Francën dhe Gjermaninë, por dokumenti i nënshkruar me Britaninë është marrëveshja e parë që është bërë publike.

Top Channel