Zelensky thirrje OKB-së për ndihmë në shpëtimin e të plagosurve nga Azovstal: Janë në rrezik
05/05/2022 09:10
Presidenti i Ukrainës Volodymyr Zelensky i ka bërë thirrje OKB-së për ndihmë për të shpëtuar jetët e ukrainasve të mbetur të plagosur të bllokuar në fabrikën e çelikut Azovstal në Mariupol.
Në një bisedë telefonike me Sekretarin e Përgjithshëm të OKB-së Antonio Guterres mbrëmjen e djeshme, Zelensky falënderoi OKB-në për një evakuim të suksesshëm nga uzina e çelikut këtë javë, e cila shpëtoi më shumë se 100 njerëz, por i bëri thirrje OKB-së të “ndihmojë në largimin të gjithë të plagosurve nga Azovstal”.
“Jetët e njerëzve që mbeten atje janë në rrezik,” tha Zelensky.
Rreth 200 civilë besohet se janë strehuar brenda uzinës.
Top Channel