Një 30 vjeçar me iniciale I. L., banues në Bulqizë është arrestuar pasi drejtonte automjetin tip “Benz”, në gjendje të dehur, gjithashtu kundërshtoi me forcë punonjësit e policisë së bashku me dy pasagjerët me iniciale A. S., 22 vjeç dhe A. D. 30 vjeç, banues në Bulqizë të cilët kanë mundur të largohen.
Të tre shtetasit në bashkëpunim me njëri-tjetrin kundërshtuan me forcë punonjësit e policisë duke ju shkaktuar dëmtime fizike dy prej punonjësve të policisë.
Materialet procedurale iu referuan Prokurorisë pranë Gjykatës së Shkallës së Parë Dibër për veprat penale ” Goditje për shkak të detyrës”, “Kundërshtimi me forcë i punonjësit të policisë”, dhe “Drejtimi i automjeteve në mënyrë të parregullt”.
Top Channel
