Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Deputeti Gazment Bardhi i ftuar këtë të enjte në emisionin Top Story nga Sokol Balla në Top Channel ka dhënë detaje në lidhje me takimin e tyre në selinë e PD-së.
Sipas tij, Berisha theksoi se vendimet e gjykatave duhet të respektohen nga palët.
“Ne donim të ishim transparentë gjatë takimit, është e regjistruar, Berisha në atë mbledhje në zyrën time tha se vendimet e gjykatave do duhet të respektohen, tha që njoh të drejtën tuaj për të bërë ankim për vendimin e Zhukrit”, tha Bardhi.
Foto nga takimi
Komisioni i Rithemelimit me në krye Berishën shkuan në selinë e PD-së më 25 mars, ku u zhvillua një takim në zyrën e Bardhit me kryetarin e komanduar të partisë, Enkelejd Alibeaj.
PD-ja ndodhet ende në një krizë edhe pas dorëheqjes së Lulzim Bashës, pasi Grupi i Rithemelimit akuzon Alibeajn si vijues të lojës së Edi Ramës dhe Bashës për të përçarë PD-në.
Nga ana tjetër, Alibeaj nuk pranoi që Berisha të ishte pjesë e mbledhjes së Grupit Parlamentar të partisë, por ky i fundit nuk e zbatoi urdhrin dhe u bë pjesë e tavolinës në selinë blu.
Gjatë mbledhjes së Grupit Parlamentar të PD-së të thirrur nga kryetari i komanduar Enkelejd Alibeaj të martën u shoqërua me debate mes mbështetësve të Berishës dhe Alibeajt. Berisha gjithashtu i kërkoi Alibeajt që të jepte dorëhqjen duke u shprehur për mediat se do ta ndjekë fati i Bashës.
Në mbledhje nuk mori pjesë ish-kryedemokrati Lulzim Basha, si edhe deputetët Agron Gjekmarkaj, Grida Duma, Alfred Rrushaj, Flutura Açka, Belind Kelliçi, Dash Sula, Ferdinand Xhaferri, Bujar Leskaj dhe Agron Shehaj.
Top Channel
