Burri provon se trupi i tij ‘prodhon vetë alkoolin’ dhe i shpëton gjobës së policisë (fotot)
23/04 18:28
Prej kohëve të mesjetës Suedia e Norvegjia ruajnë traditën e këngës tradicionale së thirrjes së lopëve, që gratë baresha kanë perfeksionuar me tinguj të lartë e të mprehtë.
Thirrja e hollë duhet të dëgjohej nga kafshët që kullosin disa kilometra larg në mënyrë që lopët e dhitë të ktheheshin në fermë në fund të ditës.
Megjithse shumë ferma janë mbyllur prej industrializimit të Suedisë në shekullin e 19-të, disa të mbetura ruajnë teknikën e këngës së kafshëve.
Teknika e njohur si ‘Kulnin’ ka gjetur së fundmi një popullaritet të ri duke u mësuar në shkollat e kurse prestigjoze suedeze të muzikës.
Kështu dhe Jennie Tiderman lëshon thirrjen e saj në pyllin suedez, me tonet e zërit që ngrihen e ulen në mënyrë disi të frikshme, shkruan AFP.
Jehona e saj përsëritet mes drurëve dhe disa momente më vonë mrekullisht tre lopë laramane dalin nga mesi i pemëve.
Zilet rreth qafës së tyre tringëllojnë teksa ecin drejt plevicës së tyre, ndërsa fermerja është e kënaqur që kënga i kurseu një shëtitje në pyll shpeshherë të lodhshme.
Efektet e veçanta hipnotike të këngës ‘kulnin’ janë shfaqur në disa filma dhe Suedia e ka propozuar traditën si trashëgimi botërore të UNESCO.
Top Channel
