Kryeministri spanjoll pezullon detyrat publike, shkak hetimet ndaj bashkëshortes 24/04 20:16
Shefi i Politikës së Jashtme të BE Joseph Borrell, ka thënë në një deklaratë ditën e sotme në Parlamentin Evropian se ndihma që BE i jep Ukrainës është shumë herë më e vogël sesa shpenzmet që bëjnë për blerje në Rusi.
“Bashkimi Evropian ka shpenzuar 35 miliardë euro (29 miliardë £) për karburantin rus që nga fillimi i luftës, krahasuar me një shpenzim prej vetëm 1 miliard eurosh për Ukrainën në armë. Ne duhet t’i ndihmojmë ukrainasit të mbrohen… Ne i kemi dhënë Ukrainës 1 miliardë euro. Mund të duket shumë, por 1 miliardë euro është ajo që ne i paguajmë Putinit çdo ditë për energjinë që na jep” -tha Borrell.
Vërejtjet e tij vijnë pasi ambasadorët e BE-së takohen për të shqyrtuar një raund të pestë sanksionesh kundër Moskës, duke përfshirë një ndalim të importeve të qymyrit rus.
“Sot ne i japim fund qymyrit, por kjo është vetëm një pjesë e vogël e faturës” u tha Borrell eurodeputetëve.
Shefja e Komisionit Evropian, Ursula von der Leyen, ka thënë se BE-ja po punon për masa shtesë duke përfshirë kufizimet në importet e naftës.
Top Channel
